PR-G 237 SENDEIRO DO MIRADOIRO DE MATACÁS
UNHA RUTA CON GRANDES VISTAS
O PR-G 237 é unha ruta circular que une o centro de Castro Caldelas co Miradoiro de As Penas de Matacás, onde se abre unha panorámica espectacular sobre o Canón do Sil que pon de manifesto o contraste entre as ladeiras boscosas de Ourense e os asollados viñedos en socalcos de Lugo.
O percorrido inclúe unha derivación ao Embarcadoiro de Abeleda, e ofrece o gran atractivo dos viñedos, soutos e aldeas de xisto negro de Paradela e Alais, a sobreira centenaria de Lugar de Arriba e as fermosas vistas ao val de Abeleda e aos bosques que rodean Castro Caldelas.
A ilustración mostra unha escena da vendima tradicional na Ribeira Sacra, na que o vendimador ía levando a colleita á adega nun cesto culeiro suxeito á cabeza e ás costas. Tes máis información sobre viticultura heroica de Castro Caldelas en Sitios de interese.
-
Descarga Track en formato GPX.
-
Descarga o tríptico da ruta en PDF (en castelán).
MAPA · INFORMACIÓN TÉCNICA
Pulsa sobre o mapa para ampliar
-
Fai clic aquí para ver o mapa máis grande.
RECOMENDACIÓNS
-
A ruta cruza estradas en varios puntos do percorrido. Mantén a precaución.
-
Non accedas ás construcións en ruínas que poidas atopar no camiño.
-
Respecta a contorna, a fauna e a flora. Goza do contacto coa natureza sen danala.
-
Respecta os bens privados (leiras, hortas, froitos e outros patrimonios).
-
Non fagas lume. Se ves un incendio, chama ao 085 (Aviso de Incendios Forestais).
-
Non tires lixo. Lévao e tírao aos colectores axeitados.
-
En caso de emerxencia, chama ao 112.
DATOS TÉCNICOS
-
Ruta circular (Castro Caldelas - Castro Caldelas)
-
Distancia ruta sen derivación: 16,5 km
-
Distancia derivación (embarcadoiro): 2,95 km
-
Distancia ruta completa: 19,45 km
-
Ascenso acumulado ruta completa: 1.141 m
-
Tempo estimado ruta completa: 7 horas
SINALIZACIÓN
Camiño marcado cos sinais das rutas de pequeno percorrido de Galicia (PR-G).
DESCRICIÓN DA RUTA
Un percorrido por soutos, viñedos e vistas panorámicas de Castro Caldelas
1. De Castro Caldelas ao Miradoiro de Matacás (por Celeirón)
O PR-G 237 coincide co PR-G 213 (Sendeiro dos Bosques Máxicos de Castro Caldelas) no centro urbano de Castro Caldelas. Atende á sinalización, que diferencia cada sendeiro coa súa correspondente baliza, para non confundir o percorrido.
Podes comezar a ruta camiño da aldea de Celeirón, punto de inflexión entre os bosques das ladeiras ensombrencidas e os viñedos en socalcos das ladeiras de solaina. Unha baixada de gran pendente atravesa os soutos e os seus sequeiros para despois remontar entre os viñedos, onde teremos vistas espectaculares sobre o val de Abeleda. Nesta parte tamén destacan as aldeas de xisto negro e a sobreira centenaria de Paradela. Antes do Miradoiro de Matacás, unha derivació n de ida e volta ata o Embarcadoiro de Abeleda ofrécenos grandes vistas a nivel do ríou Sil das Penas de Matacás, que se alzan sobre nós.
Na imaxe, baixada desde Castro Caldelas ata Celeirón polo Souto do Conde.
2. Do Miradoiro de Matacás a Castro Caldelas (pola paraxe de A Ruxidoira)
O Miradoiro de Matacás regálanos unha panorámica extraordinaria sobre o Cañón do Sil que, en días claros, pode abarcar varios quilómetros á redonda. Aquí, un estreito carreiro entre as picudas rocas que conforman As Penas de Matacás, en ocasións de formas caprichosas e outras xurdidas do chan como dentes de serra, encamíñanos cara ás pequenas aldeas desta parte agreste de Castro Caldelas.
Despois chegaremos a A Ruxidoira, unha zona de piñeirais aberta cara ao alto no que álzase maxestosa a vila de Castro Caldelas, coroada polo seu castelo e a Igrexa de Santa Isabel. Tamén teremos unhas vistas preciosas de todo o val esculpido polo río Edo, afluente do Sil.
Na imaxe, Miradoiro de As Penas de Matacás sobre o Cañón do río Sil (foto de Manuel Rolán Díaz).
O PERCORRIDO EN IMAXES
